Monday, May 23, 2022

မိုနိုပိုလီ

လှိမ့်နေတဲ့အံစာတုံးလေးဟာ

ခုနစ်မှာရပ်သွားတယ်
နတ်ပြည်ရဲ့ မြေညီထပ် . . .
ဝမ်းသာအားရ အိမ်တစ်လုံးဆောက်လိုက်တယ်

နောက်တစ်ကြိမ် တစ် ကျတယ်
နတ်ပြည် ဒုတိယအထပ်ကို ရောက်တယ်
အိမ်တစ်ဆောင်ဆောက်ဖြစ်ပြန်တယ်
တစ် ချည်းပဲ နောက်ထပ် လေးကြိမ်တိတိ ကျအပြီး
နတ်ပြည်ခြောက်ထပ်မှာ
အိမ်သုံးဆောင် နဲ့ ဟိုတယ်သုံးလုံး
ရင်းနှီးမြှုပ်နှံ ဖြစ်ခဲ့တယ်
တစ်ပတ်ပြီးတစ်ပတ်သာ ကုန်သွားတယ်
အိမ်ငှားမယ့်သူ လည်းမလာ
ဟိုတယ်အခန်းလဲ မငှားရ
စရိတ်တောင် အနိုင်နိုင်
အခွန်ကြွေးတွေလည် တက်ပြီးရင်း တက်နေရောပဲ

နောက်ဆုံး
ရှိစုမဲ့စု အင်အားနဲ့
အံစာတုံးကို အနိုင်နိုင် မ ပြီး လွှတ်ချလိုက်တယ်
၁၃ခွဲ ကျတယ်
ငရဲပြည် မြေညီထပ် တဲ့
မတတ်နိုင်တော့ဘူးလေ
အရှုံးပေါ်နေတဲ့ နတ်ပြည်ခြောက်ထပ်စလုံးရောင်း
ငရဲမှာပဲ အပြီးနေတော့မယ့်ကြံ
ရဲတိုက်အကြီးကြီးတစ်ခု
ကိုယ်တိုင်နေဖို့ ဆောက်ဖြစ်ခဲ့တယ်
ဒါပေမယ့်
ဆောက်လို့မှမပြီးခင်မှာပဲ
အလို...
အခန်းအားလုံး ဘွတ်ကင်ပြည့်သွားရဲ့! ! !

ချိုကိုဘို

No comments:

Post a Comment