Monday, May 23, 2022

ဝိရောဓိ

 ဝိရောဓိ

""""""""""""

နှလုံးသားဂြိုဟ်ရဲ့ အီကွေတာရပ်ဝန်းမှာ 

ဥတုသုံးလီ ရှိတယ် 

ရင်ကွဲရာသီ ရင်ဆုံရာသီ နဲ့ ရင်လွတ်ရာသီ 


ဥတုသုံးခုဟာ တစ်ခုကို တစ်ခု လွန်းတင်နေကြတော့ 

ဘယ်ဥတုက အစ ဘယ်ဥတုက အဆုံး 

ဘယ်သူမှ မဆုံးဖြတ်နိုင်ကြ 


တစ်ရက်တော့ 

ရင်ကွဲရာသီ နဲ့ ရင်ဆုံရာသီ တို့ 

ဘယ်သူက

အီလက်ထရွန် ဖြစ်ထိုက်ကြောင်း 

အငြင်းအခုံ ဖြစ်ကြတယ် 

နျူထရွန်အဖြစ် ခံယူထားတဲ့ 

ရင်လွတ်ရာသီက 

ဝင်ဖြန်ဖြေဖို့ ကြိုးစားပေမယ့် မအောင်မြင် 

နောက်ဆုံး စိတ်ပျက်ပြီး 

အဲဒီဂြိုဟ်ကနေ စွန့်ခွာသွားခဲ့တယ် 


ဆန့်ကျင်ဘက် သဘောဆောင်တဲ့ 

ဥတု နှစ်လွန်းတည်းနဲ့ 

ဆက်လက်လည်ပတ်ဖို့ရာ မဖြစ်နိုင်တော့

နှလုဲးသားဂြိုဟ်ဟာပေါက်ကွဲလွင့်စင်သွားခဲ့ရ

စကြာဝဠာသင်္ချိုင်းမှာတောင် 

နေရာတစ်ခု မရယူနိုင်တော့တဲ့အထိ 


ရင်ကွဲရာသီ က အီလက်ထရွန် ဖြစ်ခိုက်မှာ 

ရင်ဆုံရာသီ က ပရိုတွန် ဖြစ်ပြီး 

ရင်ဆုံရာသီ က အီလက်ထရွန် ဖြစ်ခိုက်မှာ 

ရင်ကွဲရာသီ က ပရိုတွန် ဖြစ်တယ်ဆိုတာ 

ပြီးတော့ တလှည့်စီ ဖြစ်ခွင့်ရှိတယ်ဆိုတာ 

သူတို့ စောစောက သဘောပေါက်ခဲ့ရင်....


ချိုကိုဘို 


No comments:

Post a Comment